روجر بيكون الفيلسوف الانجليزي

	Ruger Bekon
	الفيلسوف الانجليزي
	روجر بيكون
عدد الزيارات	307 زيارة
السيرة الذاتية	روجر بيكون روچر بيكون Roger Bacon ( ايلشستر، سومرسيت ، حوالى 1214 - اكسفورد ، محتمل 11 يونيه 1294 ) ، عُرف بإسم " المدرس العجيب " Doctor Mirabilis ، و سُمى " بيكون الاول " ( قبل فرانسيس بيكون ). فيلسوف انجليزى و باحث طبيعى ، شغف بالعلوم الطبيعيه و كان يقوم بإجراء تجارب و مشاهدات للظواهر الطبيعيه. مع انه عاش فى فتره قاحله حضارياً كان سائداً فيها الفكر الدينى المسيحى و التفسيرات الخرافيه لكنه اهتم بالرياضيات و اعتبر ان التجربه وحدها هى الوسيلة لليقين فى العلم و اتسبب اهتمامه الكبير بالكيمياء لاتهام القساوسه المسيحيين و غيرهم ليه بإنه سحار. من افكاره الفلسفيه ان الحكمة و الإيمان لا ينفصلان. روچر بيكون كان راهب كما كل علماء وقته لإن اياميها الاديره كانت هى مراكز الثقافه فى اوروبا. ، لكن رغم كده كانت ليه رؤيه علميه لدرجة انه كان بيقول ان دراسة الرياضيات بتساعد على فهم الدين و هو بكده بيعتبر من رجال العصور الوسطى مش من رجال النهضه لانه كان بيعتقد ان الهدف من المعارف الانسانيه هى خدمة الدين و دى حاجه طبيعيه لانه اتوفى سنة 1294 و التاريخ الرسمى لبداية النهضه هو 1453. لكن مع كده خدم النهضه من ناحية انه دعا لجمع المعارف بملاحظة الطبيعه و كان بيقول لو فكرنا فى موضوع و وصلنا لنتيجه فلازم نمتحن النتيجه بالتجربه عشان نشوف اذا كان فيه فرق بين قياس الذهن و قياس الايد ، او التفكير المجرد و التجربه العلميه. مؤلفاته كان فيها كلام بيُعتبر غريب بمفاهيم العصور الوسطى فكان مثلا بيتكلم عن مراكب بتمشى فى البحر بقوة البخار و ادوات بتكبر و تصغر زى التليسكوب والميكروسكوب و حاجات تانيه عرضته للاتهام بالسحر. الافكار دى و اهتماماته بالكيميا كانت نتيجتها ان الكنيسه اتهمته بالهرطقه و اتسجن اربعتاشر سنه و حظر البابا مؤلفاته. مقولات ومنشورات لـ روجر بيكون: المخترعون: مخترع النظارة الطبية هو :روجر بيكون عام عام 1268م روجر بيكون